WO EK BACHHI….

Sapno ke pankh pakadkar udna chahti thi wo bachhi
Apne khwabo ko hakikat me badlana chahti thi wo bachhi
Khule aasmaan me hardum hasti khilkhilati thi wo bachhi
Apni har baaton me masumiyat jhalkati thi wo bachhi

Jaldi uthkar khana bnakar sbko khilakar khud khati thi wo bachhi
Saare kaamo ko karke school ko daudi jaati thi wo bachhi
Khud sikhti, dusro ko sikhati,saare teachro ko bhaati thi wo bachhi
Har exam me sabse awwal hardum hi aati thi wo bachhi

School se aakar ghar ke saare kaamo ko akele nipataati thi wo bachhi
Der raat tak lalten ki roshan me apne khwaabo ko jagaati thi wo bachhi
Phir har subah ki tarah saare ghar ko pyaar se sajaati thi wo bachhi
Apne armaano ko sanjoye huye khwabo ke deeye jalaati thi wo bachhi

Har raat hawaa me udne ke pankho ko lgaati thi wo bachhi
Aathwi paas karke pure school me awwal aayi thi wo bachhi
Ab sheher jaakr apne aarjuo ko pura karne ki ratt lgayi thi wo bachhi
Ghar ki majburiyo se us raat aanshuo ki anginat nadiya bahaayi thi wo bachhi

Akhir un majburiyo ke aage phirkhud ko tikaa na paayi thi wo bachhi
Sapno ke pankh lekar bhi akhir us daur me ud na paayi thi wo bachhi
Kuch saalo baad hi akhir saadi ke bandhan me bandh gayi thi wo bachhi
Apne sapno ko bachho se pura karaane ka man phir bnaayi thi wo bachhi

Aaj bhi zaruratmando ko muft tution dekar unke sapno ko sanjaati hai wo bachhi
Bachho ko aage badte dekh aaj khud ko kitna khush paati hai wo bachhi
Har mushkilo ko darkinaar karke bas aage hi badti jaati hai ab wo bachhi
Dusro ke sapno ko khud ke sapno jaisi sakaar karti,wo ek gaav ki wo bachhi…

Kabhi garibi ki maar to kabhi samaaj ki tucchi soch se maat khati hai aaj har bachhi
Yahi hakikat hai jo apne hunar ko duniyaa ko nahi dikha paati hai har ek bachhi.
Lekin ab apne khwahisho ki udaan ko yun na dabaayegi,har ek bachhi
Ekdin duniyaa me khud ko bulandiyo tak pahuchaayegi har ek bachhI…

4 Comments

  1. C.M. Sharma babucm 24/03/2017
  2. Madhu tiwari Madhu tiwari 24/03/2017
  3. Madhu tiwari Madhu tiwari 24/03/2017
  4. डी. के. निवातिया डी. के. निवातिया 24/03/2017

Leave a Reply