khoya shaher

aaj apne shaher me kud ko hi
dhundhne nikli hu,jane kaha kho gai hai vo sadke
jo hamko pahchanti thi?
kaha hai vo galiya jo nam mera
pukarti thi?
ganga ka vo kinara reto ka teela
ban gaya hai,
mitti ki har diwar ab patther ki
ban gai hai,
makano ke galiyaro me bhi ab naye
makan ban gae hai,
jab chhoda tha kud apne shaher ko tab
mahatvakansha ki agni me samvednae jal
chuki thi,
aaj louti hu jab apne shaher me,to paya
mai mit chuki hu,meri rakh me khada hai
naya shaher,
nai raftar ke sath daur raha hai naya
shaher,yaha purana kuch bhi nahi,
purani hai to bus meri khoj,
shayad kisi kone me bacha ho mera
purana shaher aur main!

One Response

Leave a Reply