Bachpan

Kash hum kabhi bade na hote,
bachpan kabhi khatam na hota…

Sapne sirf ek barfi tak simit rehte,
Apne har dam saath hi hote;
School kabhi khatam na hoti,
Paise kamaane ki jhanjat na hoti…

Gaane sunke photo dekhke pyar ka isihaar apne aap se hi karte…
Kash hum kabhi bade na hote…
bachpan kabhi khatam na hota…

Sapno ki masumiyat sitaro pe rehti,
Gaadi, bunglow ki chahat na hoti;
Naav meri mere tak hi rehti,
Bade jahaaz ki talaash na karte…

Chocolates baant ke pizza khake b’day apno ke saath manate,
kaash hum kabhi bade na hote,
bachpan kabhi khatam na hota…

Bachpan ka khwaab tha bada banna hai,
Par ab ka khwab bachpan mein ek aur baar jeena hai;
Tanhaayi se kabhi mulaqat na hoti,
Akelapan bhi bheed si lagti…

Jin doston ne sawara mera ye bachpan, aj unse milne ki bhi fursat nahi rehti…
Kash hum kabhi bade na hote,
Bachpan kabhi khatam na hota…

Lalach pehli batting ki hoti,
Poker tak to baat hi na pohonchti;
Raaj karte the bachpan mein hum,
Par ab koi gulaam rakhne ke liye bhi raazi nahi;

Befikar hoke roo dete the hum,
Barsaat ki hume zaroorat na hoti;
Darte to hum apne baap se hi the,
Par ab khudse bhi hum mehfuz nahi…

Kash hum kabhi bade na hote…
Bachpan kabhi khatam na hota…

Written By,
Utsav Vejani

4 Comments

  1. C.M. Sharma babucm 05/09/2016
    • authorutsav 05/09/2016
  2. Kajalsoni 05/09/2016
    • authorutsav 05/09/2016

Leave a Reply