Ek Lamha….Tumhare Saath

BFFThandi Thandi hawaon me
Shaanti ki mahak ho
Nadi ke kinare purane pedo par
Nanhi chidiyon ki chahak ho
Aasmaan me umarte badalon se
Choti choti bundon ki barsaat ho
Ek lamha tu mere saath ho
Ek lamha tu mere saath ho…

Bagiche ke kisi kone me
Khubsurat foolon ka basera ho
Unn mahakte foolon par
Rang birange Titliyon ka pehra ho
Unn jhumte Titliyon ke bich
Bas Ek choti si mulakaat ho
Ek lamha tu mere saath ho
Ek lamha tu mere saath ho….

Ladna v ho Jhagadna v ho
Bs hamari dosti ka rang Gehra ho
Koi ho ya na ho mere saamne
Bs tera muskuraata Chehra ho
Kuch baaten ho kuch sararaten ho
Dil me bs tera hi khayalaat ho
Ek lamha tu mere saath ho
Ek lamha tu mere saath ho

Jinn yaadon ke bich Raha ab tak Jami par
Unn yaadon ki saari tasveeren mere paas ho
Chhorkar Iss Sundar jahan ko jaate waqt
Beete huye saare lamho ka ehsaas ho
Yaadon aur lamho se bhare iss duniya me
Phir se ek naye jeevan ji shuruaat ho
Ek lamha tu mere saath ho
Ek lamha tu mere saath ho…

One Response

  1. C.M. Sharma babucm 11/07/2016

Leave a Reply