paron bin pariyaan

zindagi kya hai koi btaye mujhe
dard iska koi samjhaye mujhe
apne pachpan ko jinpe nyochhawar kiya
ghr ke kamon ko khelsamajh apna liya
meri pehli rasoi jo maa ne sikhayi
uske swad se sbko lubha jo mai payi
ek rangin kapda jo maa ne thamaya
aur manchali hawa ne jise lehrana sikhaya
uski lehran ne mujhko aisa lubhaya
khud udna chhor usse udan bharwaya
kuchh rangin tukre jo kaanch ka the
mano dehakte suraj ke aanch pe the
uski chamaak ne mujhko aisa rijhaya
apne kanchon ko chhor maine use apnaya
ek chaandi ka tohfa jo maa ne mangaya
aur pairon me usko pehnna sikhaya
uski runjhun n mujhko aisa phasaya
khud chhamakna chhor use chhamkaya
par umar hui jb meri 15
aur maa ne mujhe anjaane sang bithaya
uss bali ki vedi pr mujhe samajh me ayaa
maa ne ye din kaise najdiik laya
wo chulhe ka aag jisne sapno ko jalaya
us rangin kapde ne bandhak banaya
kaanch k tukron ne mera khun bahaya
uss chhamchham ne mujhe chup rehna sikhaya
AB DUNIYAAN NE HAI ASLI CHEHRA DIKHAYA
BY
ZINDAGI

3 Comments

  1. babucm babucm 28/06/2016
  2. Amar Chandratrai Amar Chandratrai 28/06/2016

Leave a Reply