प्यारा हरियाणा

प्यारा हरियाणा

प्यारा म्हारा हरियाणा
भारत में न्यारा हरियाणा।
हरियाणा के वीर अनोखे
करते पहाड्यां में भी मोखै
देख कै दुश्मन खां ज्यां धोखै
हिसा करैं सै ये बाणा ।
प्यारा म्हारा हरियाणा
भारत में न्यारा हरियाणा।
हरियाणा के वीर सैं तगड़ैं
काँख में भींच दुश्मन रगडै
पहरैं बिल्कुल सादे कपड़ै
कती नही सै गिरकाणा।
प्यारा म्हारा हरियाणा
भारत में न्यारा हरियाणा।
हरियाणा की धरती पै
देव बलिहारी ज्यां सैं
प्यारी मीठी बांगर बोली
नही कदे सै शरमाणा।
प्यारा म्हारा हरियाणा
भारत में न्यारा हरियाणा।

Leave a Reply