Nani Maa

Naani maan so rahi hain
Chup hai khamosh hain han so hi rahi hain…
Nahi achha lagta hai unhen dunia ka shor
Tabhi rui dali hai unhone apne kanon main
Nahi sunna chahti hongi wo larai jhagron ko
Jo hoti hain gharon yaan makano main
Unchi soch hai meri naani ki
Koi nakal nahi kar sakta unki kahani ki
Tabhi muhh upar karke soti hain
Par nani ke sone par mamma kion roti hain
Main bhi to sota hun
Mere sone par maamu nahi aate
Han naani se hi puchhunga mammi papa to mujhe kuch nahi batate
Dard hai aaj unke pairon main
Tabhi logon ne unhen uthaya hai
Unhen to phool ache lagte hain
tabhi unki paalki ko sajaya hai
Are is ghar se to chor sare phool loot gaya
Aaj to maamu se bhi ek ghra tut gaya
Mammi nahi
Nahi mujhe aapki tarha rona hai
Mujhe to nani ke sath us peele urte hue bistar par sona hai………..

2 Comments

  1. Er. Anuj Tiwari"Indwar" Er. Anuj Tiwari"Indwar" 02/05/2016
  2. babucm babucm 03/05/2016

Leave a Reply