sashankit

hum chahe jitna
padh likh leyen
duniyan ghoomleyen
doston-parichiton ki teem khadi kar leyen
har jagah umra ki bujurgiyat
bahoot mayane rakhati hai…

manta hoon,
bhavan ki chamak
eent ki bani deevaron se hoti hai
magar, ve deevaren bhi
pattharon ki neev par hi khadi hoti hain
aur patthar ek din mein nahin taiyar hote…

tamaam sardi-garmi-barsaat
jhel chuke darakht
aandhiyon mein bhi jaldi nahin jhukte

bhavishya ka bhavishya
jahan tika rahata haibeete vartman par
vahin vartman kr liye bhi
beete kalka saath jaroori hota hai…

jo,kal ke liye
kal ko saath lekar nahin chalte
unka aaj bhi sadaiv
sashankit bana rahata hai….

Leave a Reply