chla gdelv chli brate चला गदेलव चली बराते

😜।।चला गदेलव चली बरातें।। 😜

👬मोलउ कपड़स काम चले न
चला निकारा नौका ।।
जुग्गू काकक पकड़ के लावा
मिले फिरू न मौका ।।
बिन न्योता के बन्ने आयेन
फूले नही समाते ।।
चला गदेलव चली बराते।।1।।

✌लेकिन केहू न ढेला मारे
न मारया पइसा गोली ।।
खीश निपोरया जिन मड़ये में
होये बहुत ठिठोली ।।
जिन्ने के समजाइ दिहा
जिन जईहे मकनाते ।।
चला गदेलव चली बराते।।2।।

💖डीजे बजे लुटउव्वल होये
पइसा अउर बतासा ।
चलिके दुअरेक चार लगावा
देखा तनिक तमासा ।।
डांस करइके पउबै करब्या
तोहका केहू न डाटे ।।
चला गदेलव चली बराते ।।3।।

🍨लड्डू अउर मिठाई पउब्या
फुलकी मिले पनीर ।
छोला खाइके करा भगउव्वल
होइ जाये नस ढील ।।
बिन खटिया के सपना देखिब्या
दूर जाइ के नाते ।।
चला गदेलव चली बराते ।।4।।

👪दुल्हा दुल्हिन मौज मनइहे
नात नतेरुआ होइहें तर ।।
भये सबेरवव एनका देखब्या
बनिहे पलिहरवा के बानर ।।
गमछा बान्हे मुँह लुकवइहे
अइहे चला लजाते ।।
चला गदेलव चली बराते ।।5।।

😜 R.K.M😜