कैसो फैशन आरओऐ

लल्ला मेरो जींस फटीभयी, महंगी कहकै लारओऐ
मैया मेरी मत्था फोड़ै, कैसो फैशन आरओऐ
बाल बनालए सिर्रिन जैसे, मौपे पोतलई लाली सी
ख़ाली बस्ता कमर पै धल्लओ, ऐनक लैलई काली सी
इत्ते मैउ चैन न पाओ, चिंगम तौउ चबारओऐ
मईया मेरी मत्था फोड़ै, कैसो फैशन आरओऐ
दिन मै सोतै रात मै जगतै, आंख की मां जानै कररखिऐ
सबरे फैशन की पुटरिया, मूढ़ पै जानै धररखिऐ
बड्डी बड्डी गाड़ी देखकै, मौ सै लार टपक परतै
पड़न की नैकउ कैदई तौ, मईया इनकी मर परतै
एक उंगरिया पैंट मै धरकै, फिल्मी गाने गारओऐ
मईया मेरी मत्था फोड़ै, कैसो फैशन आरओऐ

2 Comments

  1. C.M. Sharma C.M. Sharma 15/02/2018
  2. Kajalsoni 17/02/2018

Leave a Reply